Հետաքրքիր ուղևորություն
Բարեկա'մս, ուզում եմ պատմել իմ վառ տպավորությունների մասին, որոնք մնացել են շուրջերկյա ճամփորդությունից հետո:
Մենք տեսել ենք աշխարհի ամենաբարձր ջրվեժը` Անխելը: Պատկերացնում ես, այն գրեթե երկու անգամ բարձր է աշխարհի ամենաբարձր շինությունից:
Ծովային կաթնասուններից ինձ հատկապես դուր են գալիս դելֆինները, որոնք ուղեկցում էին մեր նավը ծովային ճամփորդության ժամանակ: Դելֆինները յուրահատուկ ձայներ էին հանում և կարծես խոսում էին միմյանց հետ: Ամենասրտառոց դելֆինները մեզ հանդիպեցին Ամազոն գետում.դրանք վարդագույն էին: Ես էլ կարծում էի, թե դելֆինները լինում են միայն մոխրագույն և ապրում են բացառապես ծովերում:
Ես գիտեմ, որ կաղամբն ու վարունգը բանջարեղեն են: Մի անգամ սրճարանում մեզ մատուցեցին կաղամբ, որը բոլորովին նման չէր մեզ ծանոթ կաղամբին.այն ծովային կաղամբ էր, որը համարվում է ջրիմուռ: Իսկ ծովային վարունգը նույնիսկ բույս չէ. զարմացար, այն համարվում է փշամորդ կենդանի:
Մի անգամ մեր ուղևորության ընթացքում ընկանք ուժեղ կարկուտի տակ: Պատկերացնում ես, երկնքից ընկույզի մեծությամբ սառցե գնդիկներ էին թափվում, թեպետ կարկուտը սովորաբար լինում է շատ ավելի փոքր չափերի:
Հիմա էլ ուզում եմ պատմել այսբերգների` սառցալեռների մասին: Դրանք օվկիանոսներում լողացող հսկայական սառցե սարեր են, ընդ որում ջրից դուրս երևում է սառցալեռան միայն փոքր մասը, իսկ հիմնական մասը ջրի մեջ է: Սառցալեռները բաղկացած են մաքուր, քաղցրահամ ջրից և երբեմն հալեցվում են` խմելու ջուր ստանալու նպատակով: Դրանք շատ վտանգավոր են նավերի համար:
Պատկերացնում ես, մենք անցանք այն օվկիանոսով, որտեղ շատ վաղուց <Տիտանիկ> անունով մի հսկայական նավ բախվել էր սառցալեռան: Նման դեպքերից խուսափելու համար հիմա նավի անձնակազմը նախօրոք տեղեկացվում է սառցալեռների գտվելու մասին:
Անգելինա Աղաբաբյան
|
