Աղցան երիցուկ 
Հյուրասենյակում
հաստատ կունենաս գարնանային ծաղիկներ. ի՞նչ անել, որ գարնանային-ծաղկային
տրամադրությունը տեղափոխվի նաև խոհանոց: Առաջարկում ենք «Երիցուկ»
աղցանը...
Անհրաժեշտ է'
հավի եփած կրծքամիս՝ 150 գրամ,
եգիպտացորեն՝ 3 ճաշի գդալ,
շամպինիոն՝ 100 գրամ,
սոխ՝ 1 գլուխ,
վարունգ՝ 1 հատ,
բողկ,
թթվասեր՝ 1 ճաշի գդալ,
մայոնեզ՝ 1 ճաշի գդալ,
աղ:
Բողկը լվալ, մի մասը բարակ շերտերով կտրտել, լցնել ջրի մեջ և թողնել 20 րոպե, որպեսզի անցնի դառնությունը:
Այնուհետև մանր կտրատել սոխը, հավի միսը: Բողկի մնացած մասը անցկացնել քերիչով, այդպես նաև վարունգը և թողնել, որ հյութաքամվեն:
Շամպինիոնները կտրատել և տապակել հյութը չգոլորշանալու աստիճան:
Այսքանից հետո անցնում եք բուն գործընթացին:
Բոլորը խառնեք իրար, ավելացրեք նաև թթվասերը և մայոնեզը, համեմեք, անհրաժեշտության դեպքում աղ ավելացրեք:
Ստացված զանգվածը լցրեք մատուցվող ափսեի մեջ, կողքերը սկսեք «աճեցնել»
պսակաթերթիկներ կտրատված բողկից, իսկ դեղին միջուկը ապահովեք
եգիպտացորենով:
Վերջ, դու երիցուկ ունեք խոհանոցում: Մի վարանեք, համտեսեք: Բարի ախորժակ: Արթուր Մանուկյան
|
